kuldaboli

Rás 1........

...er meira rokk á morgnana en Rás 2.
Fékk vægt ógeð á Gesti Einari í síðustu viku þegar hann tók tvo heila þætti í að tala um hvernig vargfuglinn ræðst að æðakollunni og drepur hana og unga hennar. Hann talaði við alla æðadúnbændur í landinu í kjölfarið og þeir voru allir á því að útrýma Mávinum.
Nóg um það...svo núna hlust ég á Rás 1, þar er mikið af fróðlegum þáttum á morgnanna, svo ekki sé minnst á morgunleikfimina. Stóð mig að því í morguna að gera eins og var sagt í morgunleikfiminni, það var nú yfirleitt að lyfta höndum og beygja fætur og spenna rassinn og slaka...og slaka ... kann vel við svona leikfimi. Næst kom þáttur um gömul hús á Akureyri, maðurinn í honum var með svo ljúfa rödd að það var unun á að hlusta. Á þriðjudagsmorgnum (eða fimmtudags...man ekki alveg) er Hörður Torfa alltaf með frábæra þætti um gamla tónlistarmenn og aðrar stjörnur....það eru góðir þættir sem fara vel með kaffibolla og góðum stól..............og já svo má ekki gleyma veðurfregnunum, ég held að fólk vanmeti þær oft sem skemmtiefni.

Ég held að unga fólkið í dag fari á mis við mikið með þvi að hlusta ekki á Rás 1.........það er ekkert hallærislegt við það, ég er töffari þó ég hlusti á rás 1.

Bíllinn minn.......

.....er gamall og sætur, þótt ég sé ekki mikið fyrir að persónugera hann. Hann er ´88 árgerð af Toyotu, ég er búin að eiga hann í fjögur ár og hann hefur ekki bilað mikið. Það besta við hann er að mér er alveg sama þó einhver reki sig utan í hann, rispi hann aðeins eða keyri hann haugaskítugann. EN það LANGBESTA við hann er geislaspilarinn......sshhiittt hvað það er kúl að vera á druslu með geislaspilara. Hann var í bílnum þegar ég keypti hann og hefur örugglega hækkað verðið á honum upp um hundraðþúsund. Ég ætla ekki að kaupa mér nýjan bíl fyrr en þessi gefs upp.....enda er bíllinn minn ekki nein framlenging á neinu, hann er aðeins til að að koma mér á milli staða.

Ég verð svo ruggluð í augunum á því að lesa yfir ritgerðir aftur og aftur í leit að villum, held stundum að ég breyti réttu í vitlaust.

Og hvað með spider solitaire!!!!!!!! ég er geðsjúklega húkt á þessum kapal, núna eru fyrstu tvö stigin orðin of auðveld fyrir mig og er ég því föst í því erfiðasta og það er sko erfitt.

Langt er liðið á þennan miðvikurdag og mér hefur tekist að fá sigg í lófana..........sem er dásamlegt.

Fékk höfuðborgarviðbjóð þar sem ég las námsefni heima hjá mér í morgun og ákvað að skunda í skyndi í sveitina.
Veðrið var dásamlegt og ég fór strax út að snúllast í dýrunum og svo mokaði ég hrossaskít mér til mikillar ánægju....það er stundum svo dásamlega gott að puða smá. Sé ekki fram á að geta orðið skrifstofurotta, kemst í vont skap af því að sitja mikið kjurr en er alltaf í góðu skapi ef ég er að púla útivið þó það sé rigning...........og ég verð í útivinnu í sumar = gott skap í allt sumar (þ.e ef unglingarnir verða ekki óþægir) = hamingja.

Bíddu nú við!!! á ég ekki að vera að læra fyrir próf og skrifa ritgerð???

Hvernig í ósköpunum vissi þetta próf að ég var að hugsa um skó? Var nefnilega að hugsa um græna skó sem ég sá í Kringlunni um daginn og langar rosa í. En nóg um það....ég er ekki mikið fyrir svona próf en þetta er skemmtilegt.......það staðfesti nákvæmlega það sem ég vissi....ég þarf ekki kærasta HAHAHAH...en það segir samt ekkert að ég þurfi ekki karlmann, það er nefnilega ekki það sama og kærasti.

Óska eftir fallegum hávöxnum karlmanni á lausu sem getur hjálpað mér með þetta blogg. Mig langar nefnilega að setja inn myndir og breyta útlitinu en kann það ekki og þori ekki að kássast í templateinu af ótta við að skemma alltsaman.

Óska líka eftir laghentum hausalækni sem getur aðeins krukkað í kollinum á mér, komið honum í læristuð og tekið úr sambandi kerfið sem vill alltaf hanga á netinu, bora í nefið, hugsa um stráka og glápa upp í loftið.

Og hvað er með fólkið sem heldur að próftími sé afsökun fyrir að ganga í ljótum íþróttagalla og vera með skítugt hár......ég spyr??

Stóð mig að svolitlu í gær sem setti að mér óhug..........

.......ég svaraði upp úr eins manns hljóði BKI-kaffiauglýsingunni "Er BKI besta kaffi á íslandi?". Ég var bara að horfa á sjónvarpið og svo spyr maðurinn mig að þessu og ég bara svara án þess að hugsa, bara eins og hann sæti í sófanum hjá mér í eigin persónu og spyrði mig að því hvort mér finndist bki besta kaffi á íslandi. Ég man ekki hverju ég svaraði auglýsingunni því ég var svo hissa á sjálfum mér...........hugsunin "er ég komin með öll einkenni einbúans?" skaust upp í kollinum á mér. Ég vona bara að ég fari ekki að tala við sjálfan mig á almanna færi, það er það eina sem vantar upp á til að ég fái inngöngu í klikkaðiríhausnumeinbúaklúbbinn.

Stórvinkona mín á afmæli í dag, ég ætla að hitta hana í kvöld (þá fæ ég að tala við fólk hjúkk!!!) og kannski gef ég henni pakka, það kemur í ljós :)

Það er grenjandi krakki á bókhlöðunni....grenjandi krakkar láta mig fá höfuðverk og þeir virðast vera alstaðar, ég veit ekki betur nema það sé 18 ára aldurstakmark á hlöðuna.......hvernig í ósköpunum slapp hann inn????? Ef maður fer á hlöðuna þá er grenjandi krakki, ef maður fer á kaffihús þá er grenjandi krakki og líka út í búð, út á götu, í veislum, á veitingahúsum og fleiri opinberum stöðum. Ef ég unga út einu slíku stykki einn daginn þá fer ég ekki með hann út úr húsi fyrr en hann er vaxinn upp úr grenji sem er ekki hægt að múta af honum. Grenjandi krakkar gera einhleypa pirraða, því einhleypir (ég) vilja fá að vera í friði fyrir útungunum tvíhleypra.

Foreldrar, sem eigið grenjandi krakka, ekki taka þessa færslu nærri ykkur því hún er ekki persónuleg gagnvart ykkar krökkum....þ.e ef þið eruð ekki með þá grenjandi á opinberum stöðum, nálægt mér.

Ég var einu sinni grenjandi krakki, man eftir því að ég fór einu sinni að grenja í kaupfélaginu því ég hafði týnt mömmu, þá fannst mér kaupfélagið stórt hús. Og þá hef ég örugglega farið í pirrunar á einhleypingum sem voru að reyna að versla í friði.

Það er svolítið slæmt að eiga ekki tölvu þegar próf- og verkefnaörtröðin er byrjuð á hlöðunni, leiðindar löng bið eftir tölvum. Var einmitt að hugsa þar sem ég beið á áðan eftir tölvu að það væru örugglega ekki margir sem færu í gegnum háskólanám án þess að haf aðgang að eigin tölvu. Ég á hvorki tölvu heima né fartölvu og það hefur ekki skipt mig máli hingað til, reyndar langaði mig svolítið í tölvu þegar ég var að skrifa lokaritgerðina, en það bjargaðist samt....verð bara að hanga meira á hlöðunnni.........sem er reyndar ágætt því það veitir mér aðhald í námi. En held ég verði að splæsa í tölvu ef ég fer í framhaldsnám.

Er búin að vera að velta fyrir mér á undanförnu hvort ég eigi að kaupa mér líkamsræktarkort.........held ég velti því fyrir mér svolítið áfram eða þangað til ég gleymi hugmyndinni og framkvæmi hana aldrei.....fíla að fara í gönguferðir en fíla ekki sveitta kroppa þétt saman í púli á litlu afmörkuðu lokuðu svæði, langar samt að verða hasarkroppur en hann fæst víst ekki með setum fyrir framan sjónvarpið.

vá hvað ég get verið klikkuð í hausnum..
þegar ég kem inn á þjóðarbókhlöðu þá verð ég alltaf að labba upp stigann hægra meginn og þegar ég fer út þá verð ég að labba niður stigann vinstra meginn (sem er reyndar hægra megin þegar maður er á leið út)..........þetta kallast að vera vanaföst. Ég hef gert þetta í þrjú ár, stundum hef ég neyðst til að fara upp eða niður vitlausu megin vegna hægfara stigamanna og þá líður mér illa, finnst ég vera svikul við vanann.

Laugardagskvöldið rólegt yfir vídeói, ekki þunn né með samviskubit yfir fyllirísvitleysum........gott mál, gott mál.

Djamm gærkvöldsins.........

........var rólegt. Gaman í partýinu, ég drakk og drakk meðan hinar veltu fyrir sér barnauppeldi og óléttum, ótrúlegt samt hvað ég gat lagt mikið til málanna.
Svo var farið í bæinn og endað á 22, þar var fínt að dansa en fátt um fólk. Ég var þar samt allt kvöldið, nennti ekki í biðraðarvesen.........og ykkur til mikilla vonbrigða þá verð ég að segja að það gerðist ekkert....já ekkert, ég var hvorki mikið drukkin né lítið, enginn gæi reyndi við mig og ég ekki við neinn. Og svo er ég ekki einu sinni þunn í dag........HVAÐ ER AÐ sko!

Horfði á kvennmann drekka ellefu stóra bjóra í gær, það eru næstum því tvær kippur, og hún leit vel út allt kvöldið og drafst ekki en er örugglega þunn í dag.......ég er orðin piss eftir sex stóra.....enda óttalegur hænuhaus stundum.

Hamingjan hefur tekið sér bólfestu í hjarta mínu...enn og aftur.

Var að koma frá leiðbeinandanum mínum, en hún var að skila mér BA-ritgerðaruppkastinu, og hún sagði að þetta væri bara komið, ég þyrfti bara að laga smá og þá væri hún fín...........þannig að ég mun útskrifast úr þessum blessaða skóla í vor :)

Þá þarf ég að fara að huga að útskriftadressi.

Einnig er ég komin með sumarvinnu, ég verð leiðbeinandi unglingahóps við Vinnuskóla Reykjavíkur. Kannski ekki vinna sem krefs BA prófs en ég fæ að vera úti, verð búin kl 4 á daginn og vinn ekkert um helgar............mmmmmmmmm helgarfrí, held ég þurfi að kaupa mér grill.......hef aldrei verið í vinnu með helgarfríum allar helgar. Reyndar sagði við mig einn góður maður þegar hann frétti um tilvonandi starf mitt "aumingja unglingarnir", og það er rétt hjá honum því hjá mér verður engin undirgefni, ekkert að fara fyrr heim og svona...bara vinna vinna vinna. Harðstjórinn í mér mun semsagt njóta sín í sumar.

Trallalalalalala stuð í kvöld, þunn á morgun.

Gleðilegt sumar.

Dagurinn í dag........

byrjaði ekki vel, fór í vinnuviðtal í morgun og mætti of seint. Það var ekki út af leti eða öðru, heldur vegna lélegrar ratvísi. Ég viltist á leið í viðtalið, hélt ég væri á réttri leið þangað til ég var villt.

Heyrði hrillilegt viðtal í útvarpinu í morgun, það var við listakonu. Þessi listakona sagði "þú veist" eftir hverri setningu og það kom mjög illa út........eins og hún héldi að útvarpskonan væri mjög heimsk og vissi ekki neitt.

Seinast kennslustund þessa önnina hjá mér á eftir, og kannski sú seinasta í háskólanum......hvað á ég þá að gera?

Hvar er kvikindið og kaldhæðnin sem hefur alltaf komið fram í mér þegar ég blogga.....ég er búin að tína sjálfinu....það hvarf í skruddur.

Djamm á föstudaginn MMMúúúúhahahahhahah alkaálfurinn er hinn hressasti með það.

Er netið bölvun eða blessun?

þegar það kemur að lærdómi þá er netið bæði, netið gerir það að verkum að námsmaðurinn á auðveldara með að ná í upplýsingar sem varðar námið og heimildir og hefur greiðari leið að kennaranum í gegnum tölvupóst. En svo er netið líka bölvaður tímaþjófur, námsmaðurinn freistast til að fara inn á netið og skoða allskonar vitleysu frekar en að einbeita sér að verkefninu sem hann á að vera að gera. Netið gerir það að verkum að námsmanninum verður ekkert úr verki heilu dagana. Ég á t.d í ástar- haturssambandi við internetið, get ekki lifað án þess, get ekki lifað með því.

HALLÓ HALLÓ Er einhver á leið til útlanda og langar að taka mig með sér????

Allt að klikkast í veröldinni út af því að einn fótboltakappi á að hafa riðið framhjá.
Skil ekki alveg þessa Rebeccu Loos sem Becham á að hafa haldið framhjá með, hún spilar sig í fjölmiðlum sem einhverskonar fórnarlamb. Ég veit ekki betur nema hún hafi vitað að kappinn var giftur þegar hún svaf hjá honum, hún er jafn sek og hann. Og hvað er hún að kjafta frá, það er bæði óvirðing við hann og svo hana sjálfa, núna verður hún aldrei annað en gellan sem svaf hjá David Becham. Reyndar legg ég ekki 100% trúnað í frásögn hennar því hún fékk um 105 milljónir ísl.kr. fyrir að kjafta frá þessu, það er nú auðvelt að ljúga upp sögu fyrir þennan pening. Og svo skil ég ekki hvað fjölmiðlar eru að velta sér upp úr þessu, það er margt merkilegra og mikilvægara að gerast í veröldinni. Ég held því reyndar fram að Becham sé geldingur, hann er svo mjóróma.

Og hvað með mig!!! jú ég er ekki búin að vaska upp í rúmlega einn dag vegna anna, langar að kaupa mér íbúð, er að skila lokaritgerðaruppkasti á eftir, er með höfuðverk vegna mikillar tölvusetu og er ekki enþá komin með sumarvinnu.

Fór að hugsa um mataræði mitt í morgun þegar ég sat og át skyr, sem rann út 8 apríl, með mjólk sem rann út 15 apríl. Ég skil ekki fólk sem heldur að matur sé ónýtur þegar hann er kominn fram yfir seinasta söludag, það er bara svo rangt......skyrið var t.d bara mjög gott og ekkert aukabragð af því, hugsa sér ef ég hefði hent heilli skyrdós, bara út af því hún var útrunnin...peningasóun.

Reyndar borða ég flestan mat ef ekki allan (þá er ég ekki að telja pöddur og rottur með). Þegar ég var á gelgjuhámarkinu þá borðaði ég ekki nautatungu, sviðahausa, kjúkling og hjörtu, í dag borða ég allt þetta. SKil ekki matvant fólk, það veit ekki hverju það er að missa af, og ég skil heldur ekki fólk sem segist ekki borða "vini" sína þ.e hross. Ég hef átt mörg hross sem vini í gegnum ævina og mörg þeirra hafa endað vinskap sinn, við mig, ofaní maga á mér HAHAHAH því mér finnst hrossakjöt með kartöflumús mjög gott. Reyndar eitt sem ég hef ekki getað borðað, af því sem hefur verið borið á borð fyrir mig, eftir ég komst á fullorðinsárin, það var súrsuð kýrlöpp....hún var eins og hlaup....ekki gott, en samt áhugavert að horfa á hina borða hana. En uppáhaldsmaturinn minn er hangikjöt og reykt kindabjúgu....nammm nammm nammmmmmmm.

Fór á Taking lives í gær, góð mynd.....núna er ég búin að fara tvisvar í bíó um helgina fyrir minni pening en einn bíómiði er vanalega. Þ.e 2 x 300 = 600 kr í staðin fyrir 2 x 800 = 1600 kr.

Hef það ágætt takk fyrir.

GGGGGGGGGeeeeeeeeeiiiiiiiiisssssssssspppppppppppppp!!!!!!!!!!!!!!

Dreymdi geðsjúkt í nótt, var að halda matarboð en var samt orðin sein í vinnuna....vaknaði stressuð og þreytt........og í þessu matarboði var sú ógeðslegasta súpa sem ég hef búið til (held samt að ég hafi aldrei gert súpu), en gestirnir átu hana...ég fékk mér held ég ekki, enda að flýta mér í vinnuna.

Háskólabíó býður háskólanemum í bíó á 300 kr núna um helgina, allar myndir. Ég fór á Hidalgo með Viggó kallinum í gærkveldi, ágætis mynd svona róleg, falleg og fín. Í kvöld eða á morgun er stefnan tekin á Taking lives með Angelinu Jolie, ef ég væri karlkyns þá væri ég flogin til Holly með von um að fá tækifæri til að banga hana........en þar sem ég er ekki kk þá verð ég að láta mér nægja bíómyndir með henni og villta drauma :)

Æi ætla að vera dugleg í dag.....sjáum til, sjáum til.

Hver er Kuldaboli?

Oft hefur þessi spurning komið hér upp og aldrei verið svarað, enda vita flestir hver gengur í gervi bolans.
Kuldaboli hefur ákveðið að láta sinn ytri mann koma fram og stöðva þetta spurningaflóð.

Kuldaboli heitir réttu nafni Ingveldur. Þessi Ingveldur stundar núna nám í bókmenntafræði við Háskóla Íslands og er að spá í að útskrifast þaðan í vor, einnig er hún með búfræðingspróf frá Hvanneyri og hina hefðbundnu barna- og framhaldsskólamenntun. Hún þykir mikið fyrir augað, enda hinn glæsilegasti kvennmaður, með hárlit eins og eldurinn og vöxt eins og gyðja. Einnig er hún vinamörg, enda einstaklega skemmtileg manneskja sem alltaf kanna að slá á létta strengi og halda uppi stuði hvar sem hún kemur.

Vona að þetta fullnægi forvitni ykkar og þið hafið ekki orðið fyrir vonbrigðum.

Lýk ég þessu með því að vitna í Bachelor þátt gærdagsins: Slurp, slumm, slef..slurp...mmmmmm........slummmmm

Gestur Einar var frábær í morgun, var með karl í viðtali rétt fyrir níu, þeir voru á svaka spjalli. Karlinn að lýsa hvernig þjóðbúningabrúður hann keypti alltaf í utanlandferðum sínum, var rétt kominn í pilsfaldinn þegar Gestur segir "Verð að hætta, blessaður" og skellir á karlinn. Það voru nefnilega komnar tilkynningar og fréttir....þetta er alltaf að gerast hjá Gesti, skil ekki afhverju hann er ekki með klukku og stjórnar viðtalinu eftir því, mér finnst dónaskapur að skella svona á fólk í miðju viðtali.

Svo eftir fréttir fékk hann til sín söngstjóra kvennakórsins á Akureyri, en kórinn er að fara af stað með fjáröflun fyrir utanlandsferð og ætla að bóna bíla einn dag til að fá pening. Þá kom sko í ljós karlremban í Gesti því hann hafði enga trú á að konurnar gætu bónað bíla. Fyrst spurði hann konuna hvort hún kynni að bóna, hún sagðist oft hafa gert það og gerði oft sjálf við bílinn sinn og svona.........Gestur var svaka undrandi yfir því. Svo spurði hann hvort þær kynnu að fara með öll þessi efni sem til þarf eins og tjöruhreinsi....konan hélt það nú og svo yrðu þær nú í viðeigandi hlífðarfatnaði. Og að lokum spyr Gestur hvort þær fái aðstoð frá eiginmönnunum...hvort þeir komi nú ekki og hjálpi kellunum sínum við bónið......það kom mér nú á óvart hvað konan var róleg þegar hún sagði nei nei við því, ég hefði nú bara misst mig og spurt Gest hvort hann hefði enga trú á kvennmönnum svona yfirleitt. Honum hefði aldrei dottið í hug að spyrja karlakórinn sömu spurninga ef þeir ætluðu að bóna bíla..............djö karl, jæja en ég hlust á hann samt enþá. Já einnig spurði hann konuna hvort það væri ekki erfitt að stjórna svona kvennakór því konur kjöftuðu alltaf svo mikið....hvort æfingarnar færu ekki bara í mas frekar en söng......hvað heldur maðurinn???

Svo ég haldi mig við fjölmiðla þá sá ég smá af 70 mín á popptv í gær, þar var áskorun á Pétur að borða ís af skallanum á Hallgrími Helgasyni. Vá hvað það var frábært, ég hló og hló....hann sleikti skallan á manninum oooojjjjbarasta ógeðslegasta áskorun sem ég hef séð til þessa og gaurinn var að fíla þetta.

Góðan daginn kæru lesendur og velkomnir :)

Það sagði við mig strákur í tíma á áðan:"mikið ert þú falleg í dag" hann var ekki að reyna við mig, hann var bara kurteis og indæll, enda hin besta manneskja.........þessi litla einfalda setning gerði mig miklu hamingjusamari og sáttari heldur en ég var áður en ég heyrði hana.....strákar gerið meira af þessu.

Hvernig er það!
Ég er með kenningu: eftir því sem fólk er menntaðra þá er það leiðinlegra.
Það var gestafyrirlesari í tíma á áðan, kona með doktorsgráðu. Hún var með mjög áhugavert efni en hún las það allt upp af blaði, staf fyrir staf, með tilbreytingalausri röddu og svo þegar komu spurningar gat hún ekki svarað neinu því hún var ekki með það skrifað.......fyrirlestrar eiga ekki að vera svona. Hef líka rekist á það að eftir því sem kennarar eru meira menntaðir því óhæfari virðast þeir til kennslu. Þessi kona var ekki óreynd því hún var líka menntaður kennari og það gerði þetta enþá hallærislegra..........það hélt enginn nemandi einbeitingu og kennarinn í námskeiðinu var farinn að dotta í stólnum.

Páskafrí liðið og ég komin aftur í höfuðstaðinn, GET EKKI VERIÐ HÉRNA!!!!!!! Reykjavík = læra = leiðinlegt

ææææææææææææææiiiiiiiiiiiiiiiiiiiiiiiiiii!

Laugardagskvöld og ég er ekki á djamminu....HVAÐ ER AÐ GERAST???
Jú ég var að vinna fram yfir miðnætti, það er páskadagur á morgun, ég er ekki í stuði, vinir mínir eru ekki að djamma (eða buðu mér ekki með ef þeir eru að því), ég er ekki fædd um og eftir 1985 og eina djammið sem ég átti möguleika á var ball með Skítamóral og ég nennti ekki að drekka mig útúrkúfulla til að geta haft möguleika á að skemmta mér á því. Þetta finnst mér allt góðar ástæður fyrir því að sitja heima.
Ég bara get ekki svona böll lengur........gelgjan í mér er farin, hún er farin frá mér (tilvitnun í skítamóral) og ég meika ekki drukkna unglinga sem sulla á mig, troðast, æla á gólfið, detta á mig þegar þau dansa, slefa upp í hvort annað, brjóta glös viljandi á miðju dansgólfinu og bera enga virðingu fyrir sér eldra fólki. Það á að vera 18 ára aldurstakmark á svona böll en þegar frænka manns sem er enþá í barnaskóla stundar þau grimmt ásamt sínum jafnöldrum þá er nú fokið í flest skjól.

Ég var sjálf einu sinni svona unglingur sem fannst gaman að komast á böll undir aldri og átti það til að drekka mig of fulla og æla á eldra fólk og troðast............það var góður tímar en sem betur fer liðinn.

Jæja ætli það sé ekki best fyrir gömu kerlinguna að fara að sofa svo hún mæti vel undirbúin fyrir páskaátið á morgun............sssshhhiiiitttt hvað ég er lummó.

Góða nótt.

Gríðarleg vonbrigði hafa átt sér stað hjá mér........ ég fæ ekkert páskaegg í ár..ekki frekar en í fyrra. Foreldrum mínum finnst páskaegg aðeins vera fyrir börn og ég telst víst ekki lengur til þess hóps. Það var ekkert páskaegg keypt á heimilið svo ég hef einu sinni ekki möguleika á að stela frá öðrum. EN ég verð víst að viðurkenna að mér er alveg sama, páskaegg eru ágæt en ég þarf ekkert að fá eitt slíkt. Keypti mér reyndar eitt númer eitt um daginn og hefur það fullnægt páskaeggjaþörf minni þetta árið.

Vona að ykkar egg smakkist vel....súkkulaðigrísir.

Páskafríið er búið að vera ágætt.....búin að reyna að skrifa ritgerð en þegar sól er á lofti og allt miklu meira spennandi úti þá gengur það ekki sem best, vil frekar vasast heldur en að hanga fyrir framan tölvu........virðist ekki hafa neina sjálfsstjórn.

Mér var gefinn hani í gær........í dag verður tekinn af honum hausinn. Frænda mínum fannst þetta voða sniðugt, að gefa mér hana víst ég get ekki fundið mér karl.........hann sagði að haninn væri prins í álögum og ég yrði að kyssa hann. Þetta var nú sniðug hugmynd hjá honum en, eins og ég er mikið fyrir dýr, þá þoli ég ekki hænur og hana. Kaupi frekar egg út í búð í bakka. Á eftir verður öxin tekin upp og hausinn fær að fljúga....

Gleðilega páska :)

Þetta er ekki hægt lengur!!

Ég get ekki skrifað meðan ég er svona hamingjusöm.........það er bara gleðiloft í hausnum á mér :)

Var í seinasta tíma fyrir páskafrí á áðan, er að ganga frá lausum endum í sambandi við ýmislegt og svo verður brunað út úr höfuðborginni seinnipartinn.......er búin að bíða eftir því í langan tíma því ég er komin með Reykjavíkurviðbjóð...fæ alveg nóg ef ég er búin að vera hérna í nokkrar vikur samfleytt...ég er svo mikið náttúrubarn að ég verða að komast að moka skít og mjólka kýr öðru hvoru, annars tapa ég vitinu í svalli malbiksins.

EN páskafríið á að fara í ritgerðaskrif........já já einmitt hahahhah........susss ég er að reyna að sannfæra mig um það.

OG svo eru tvær fermingaveislur yfir páskana og ég er undirbúin fyrir spurningar ættingjana: "Hva! bara ekki komin með kall þetta árið heldur, hvenær ætlaru að ganga út?" ..... "Hvað gera bókmenntafræðingar, er það sama og bókasafnsfræðingar"???..."Bíddu! hvar ert þú að vinna núna, ertu enþá að þjóna?" (nei frændi ég er búin að vera í skóla í samtals fimm ár núna....og það virðist ætla að rætast smá úr mér)........."Á ekkert að fara að fjölga mannkyninu hahjahah"??

Ég hef bara gaman af þessu öllu saman, ég er amk ekki sú sem er með grenjandi krakka og fleitan karl með mér í þessum veislum.

Ég held að það beri vott um ótakmarkaða hamingju þegar maður labbar flautandi og syngjandi út um allt.
Ég stóð mig að því að flauta og syngja út á götu í gær, enda var ég í góðu skapi. Ég vaknaði eftir langt djamm og ótakmarkaða drykkju um hádegi á sunnudegi og var ekki þunn, ekki einu sinni með smá höfuðverk..........djöfulsins dásemd það var. Ég var svo ánægð með þetta þvinkuleysi að ég píndu vinkonu mína, sem var ekki eins hamingjusöm og ég, með mér niður í bæ og þar fékk ég mér feitan hammara og ís. Svo fórum við í Kolaportið þar sem ég sá drauma brúðarkjólinn minn á 3000 kr, en ákvað að kaupa mér karl á undan kjólnum...þeir voru ekki til sölu þarna í portinu. Eftir þetta fórum við á rúntin og enduðum í Mosfellsbæ þar sem við skoðuðum Álafosskvosina. Seinna um daginn klikkaði enn og aftur einhvað í hausnum á mér og ég þreif alla glugga hjá mér bæði að innan og utan............skil ekki hvað ég er að gera í þessu námi, ætti frekar að stofna hreingerningarfyrirtæki.

þetta er nú leiðindarblogg....ekkert nema upptalning á því sem ég var að gera.

Annars er gott veður og það er ekki stutt á milli augnana á mér....þannig að ég er líka hamingjusöm í dag.

Gærkvöldið samanstóð af rauðvíni, kertaljósi, Sigur rós, lærdómi og sjónavarpsglápi.........sshhiitt hvað mér leið vel ein með sjálfri mér. Hélt reyndar lítilli einbeitingu við lærdóminn því ég missti mig í dagdrauma...þar sem ég hljóp um á strönd, hönd í hönd við myndalegan dreng, og við hlógum og veltum okkur upp úr sandinum svo hlupum við meira og hlógum NEI........ þessi draumur minnir óþægilega mikið á nýja júróvisionlags myndbandið, kannski drengurinn hafi verið Jónsi...það væri nú ekki verra.

Hafið þið gert ykkur grein fyrir hvað sumar auglýsingar eru fáránlegar? sú sem fer mest í taugarnar á mér núna er ilmgjafinn (Arwic) þar sem kerlingin eyðir öllum stundum sínum inn á klósetinu eftir að hafa sett einn svoleiðis þar inn....fáránlegt...og svo er líka dömubindaauglýsingin með gellunni sem dansar og syngur fyrir framan spegilin.ooojjjjj þoli hana ekkkkkki.
Hélt að svona auglýsingar væru útdauðar.

Kveðja

Er að velta fyrir mér, þar sem ég sit hér við tölvurnar á bókhlöðunni, hvort ég eigi að fara úr skónum eða ekki. Ég finn að tánum langar í súrefni en ég veit líka að ef ég fer úr þeim þá á ég á hættu að verða kærð fyrir eiturefnamorð á öllu fólkinu í kringum mig. Hvort á ég að viðra tærnar eða leyfa fólkinu að lifa? Reyndar er þetta fólk allt e-ð nördalið..........já ég fer úr skónum, það er hvort sem er of mikið af nördum á þessari bókhlöðu.

Hvað er með fólk sem fer að þrífa heima hjá sér eftir kl 12 á kvöldin???

Hvað er þá með mig? það greip mig þetta líka svakalega þrifæði í gærkveldi þegar ég ætlaði að fara að sofa, þurfti bara nauðsynlega að þrífa örbylgjuofninn, kaffivélina, eldavélina, klósetið, ofl, skipta á rúminu og fara svo sjálf í sturtu, sleppti því nú að ryksuga því ég vildi ekki trufla svefnfrið nágrannana.............svona er að eiga lítið sem ekkert líf :(

Helgin nálgast, ég ætla að vera heima í kvöld...ekkert alkóhólhólhól. svo á morgun fer ég í partý og þá verður brennivínspúkinn vakinn upp af vikulöngum dvala.

En nóg um það...heiladauði á háu stigi núna.

Ég er svo sjálfstæð manneskja að ég læt vini mína ekki hafa áhrif á hvað ég geri.
Ég keypti tvo miða á Placebo tónleika á áðan á netinu, annar miðinn er fyrir mig og hinn fyrir þann sem vill koma með mér (ekki í mínu boði, heldur verður sá að borga sinn miða sko!!).......ég hef tíma til 7. júlí til að ákveða með hverjum ég vil fara....kannski verður það einhver vinur eða ættingi eða kærasti...sko ég hef alveg rúma 3 mánuði til að redda einum slíkum HEY!!! ekki halda að ég geti það ekki. En ef enginn vill koma með mér þá fer ég ein, því ég fer til að hlusta á góða tónlist ekki til að spjalla yfir kaffibolla.

Hefur það komið fyrir ykkur að fara á almenningssalerni og gleyma að læsa eftir ykkur og ekki fattað að það var opið fyrr en þið farið út af því?? Kom fyrir mig, var mjög létt yfir að það var engum mál að fara á þetta salerni um leið og ég var á því...vá annars hefði ég dáið úr kjánalegheitum.

Mjög óþægilegt líka að klægja í eyrað, svona inní eyranu þar sem ekki næst til með penna eða putta.........ssshhjiitt hvað mér klægjar....langar að slíta af mér eyrað og hræra duglega í hausnum.

Fór á jesúmyndina í gærkveldi...hún var mögnuð. Og þá er ég ekki að tala um útlit myndarinnar, söguþráðinn (sem kom ekki á óvart) eða blóðið og ofbeldið sem var í henni, heldur illskuna........þessar gegnumsýrðu illsku sem sveif yfir myndinni, hún var næstum því áþreifanleg. Mannkynið var illt þá og, það er sorglegt til þess að hugsa, að við erum verri í dag. Peningar og völd koma frá djöflinum, og eru yfirleitt rót allrar illsku.

Og annað sorglegt; að ef manneskja er góð og heiðarleg í dag þá þarf hún að bæla þá kosti niður því annars er trampað á henni og hún misnotuð af minna heiðarlegu fólki.

En að léttara hjali: Auglýsi eftir vini til að koma með mér á Placebo tónleika, þetta er víst mögnuð hljómsveit á tónleikum og mig langar svo að sjá þá en veit ekki um neinn sem er að fara....ert þú að fara??? láttu mig vita :)

Laumaði heimapoppuðu, í potti, poppi með mér í bíóið í gær, mér finnst það betra og svo er það líka ódýrara. Það er okurverð í bíó og svo er þúsundföld álagning á öllu í sjoppunni. Mér finnst ekki asnalegt að taka nesti með mér, það ber vott um hagsýni........en annars er ég að spara pening til að geta keypt mér bjór um helgina, já það lítur út fyrir enn eitt djammið....og nú stefni ég að því að vera ofurskutla svo mér verði einn daginn boðið í bíó.