kuldaboli

Blend við my blue those colors of you.

Heyrði júróvisionlagið í útvarpinu í morgun, það er nú bara allt í lagi en textinn er svolítið skrítinn. Reyndar ætti maður ekki að velta sér upp úr honum, enda flestir textar sem eru samdir á íslandi frekar fáránlegir, sérstaklega þeir sem eru á íslensku. ....með hljómsveitum eins og Á móti sól.

Og nú trúi ég á æðri mátt
Ég trú´á arkitektinn þinn
Sem lauk við þig á þennan hátt
Og sendi þig til mín

Þetta textabrot er úr laginu Allt sem tröllreið öllu seinasta sumar, og gerði það að verkum að ég var lokuð inni á geðdeild eftir morðtilraun á heilli hljómsveit........því miður náði ég ekki að tortíma henni eins og hefur heyrst í fjölmiðlum þar sem hún fær ennþá ótakmarkaða spilun.

Hvernig væri að þessi bönd hættu að nota sína eigin texta og notuðu í staðin gömul og ný ljóð eftir alvöru ljóðskáld, ekki prump sem poppar upp í hausinn á sjálfum þeim.

Samkvæmt sögusögnum á súkkulaði að geta komið í staðin fyrir kynlíf.

Ég fór út í búð í gær og keypti mér súkkulaði, nánar tiltekið súkkulaðipáskaegg nr eitt (það minnsta), það smakkaðist vel eins og vera ber, en málshátturinn sem ég fékk var leiðinlegur: Sjaldan bregst fóstra barni.....................hvað meina þeir? á ég kannski að sækja um leikskólavinnu í sumar eða hvað! eða kannski að fara að huga að barneignum... eða kannski að hugsa betur um þá sem standa mér næst.
Þoli ekki svona óræð skilaboð....gátu þeir ekki bara sagt: Þú ert að verða gömul piparjunka og eina hlutverk þitt í lífinu verður að passa börn annara því þú munt ekki eignast nein sjálf....þú færð einu sinni ekki tækifæri til að reyna að búa börn til, hvað þá meira múhamúhahahahaha.

Annars er snjórinn farinn og ég er hin kátasta.

Ja sko! nú er ég ánægð með írana.

Að banna reykingar á öllum opinberum stöðum m.a pöbbum og kaffihúsum, það finnst mér frábært og ég styð íslendinga í að herma eftir þeim. Ég hef persónulega ekkert á móti reykingum, fólk má reykja eins og það vill fyrir mér (gerði það sjálf einu sinni) en mér finnst að það eigi að banna þær á skemmtistöðum og kaffihúsum. Þoli ekki að skreppa á kaffihús og koma heim steikt upp úr reykingarfílu, þurfa að viðra fötin mín eða þvo þau og svo sjálfan mig því reykingalykt festist geðveikt í hárinu á manni. Og svo á skemmtistöðunum þá er stundum ólíft þar inni eftir kl tólf um helgar vegna reykinga. Þetta er ósiður sem skemmir ekki aðeins fyrir gerandandum heldur öllum í kringum hann, meðan t.d kaffidrykkja og súkkulaðiát hefur bara eyðandi áhrif á líkama gerandans.

Og svo á maður alltaf að víkja fyrir þörfum reykingamannsins, það er aldrei hægt t.d að fá þá með sér á Súfistann því hann er reyklaus og það er aldrei hægt að fara með þeim á annað kaffihús nema að sitja á reyksvæði og umbera reykinn frá þeim.

Könnum sýndi að meirihluti íra var fylgjandi banninu og fræðimaður segir að það muni taka þá aðeins um tvo mánuði að venjast þessu og þá líði þeim eins og það hafi aldrei verið annað en reyklaust. Ég vil svona á Íslandi líka og ég hugsa að meirihlutinn sé fylgjandi þessu, svo ætla Norðmenn að taka svona bann upp í sumar, frábært. :)

En ætli reykingamönnum finnist í lagi að eyðileggja andrúmsloftið fyrir öðrum....er það ekki bara sjálfselska að taka ekki tillit til reyklausra?

Munaði litlu á áðan að Kuldaboli myndi aldrei aftur skrifa á þessa síðu.

Var að labba meðfram húsinu mínu í morgun og skyndilega heyri ég drunur og rétt aftan við mig lendir þessi stóra snjóhrúga sem hafði runnið af þakinu. Ef ég hefði verið tveimur skrefum aftar þá hefði hún lent beint á hausnum á mér og þá væri ég líklega slösuð, dauð, með höfuðverk eða snjóhrúður á nefinu........enginn veit hvernig gæti hafa farið því ég var ekki tveimur skrefum á eftir.

Hefði samt verið ágætt að fá hana á hausinn, þá hefði ég afsökun fyrir að vera ekki að læra og gæti tekið vídeó og keypt ís handa mér sem sárabætur.

Það var nú aldeilis gaman í vísindaferð í gærkveldi.
Orkuveitufólkið var heillandi og bauð upp á góðar samlokur og næga drykki.
Svo var farið í partý og á endanum niður í bæ þar sem ég hékk á Ölstofunni allt kvöldið.

Þar hitti ég myrka menn og bjarta sem allir voru stórskemmtilegir. Einnig reyndu við mig óvenju margir karlmenn þetta kvöld, en það virðist vera að þeir haldi að sömu línurnar virki á allt kvennfólk í heiminum: "Þú ert svo falleg", "mikið er góð lykt af þér", "þú ert svo gáfuð", "þú ert langflottasta stelpan hérna inni" osfrv. Bestur var þó gaurinn sem spurði hvað ég væri í háum hælum og þegar ég kvaðst vera í flatbotna skóm þá sagði hann: "gott, má ég bjóða þér í glas". En ég bara þoli ekki svona fulla karlmenn sem halda að maður falli fyrir hvaða vitleysu sem er vegna þess að maður er kvenkyns, ég held að konur séu nefnilega oft of auðveld bráð og þegar það er einhver svona eins og ég sem veiti smá mótspyrnu þá vita þeir ekki hvað þeir eiga að segja og fara að þylja upp eintómt bull og hrós....sem þeir halda að ég muni auðvitað falla fyrir. EN það er auðvelt að sjá í gegnum þessi grey. :)

Sá einn af sakborningunum í Neskaupsstaðar-hafnar-málinu á stöð tvö í gærkveldi í spjalli í Ísland í dag, nennti nú ekki að hlusta á hann en pældi í því hvað í ósköpunum hann væri að gera í sjónvarpinu. Hann er líklega sekur fyrir þátt í manndrápi, losnaði úr gæsluvarðhaldi fyrir tveim dögum og strax búinn að troða sér í kassann, til þess að lýsa sig saklausann fyrir framan þjóðina.........hefði ekki verið nær að láta lítið fyrir sér fara amk þangað til réttarhöldin eru búin, þetta eru Árna Jónssen taktar, en hjá Árna var þó ekkert lík...svo vitað sé!

Það er snjókoma fyrir utan gluggann minn, hvar er sólin sem var hérna í vikunni?? hefur hún yfirgefið okkur bara sí svona án þess að gefa manni viðvörun........ég sem er enþá í bikininu.....................og það er vísindaferð á eftir í Orkuveitnuna og auðvitað ætla ég að mæta, svo er partý á eftir og auðvitað ætla ég að mæta og svo verður farið niður í bæ og þangað ætla ég líka. En sjáum samt til, var nefnilega hjá leiðbeinandanum mínum á áðan og lagði hann til að ég hætti að drekka og færi að sinna BA-ritgerðinni ......veit nú ekki. Ég nenni barasta ekki að læra meira, langar í sumarfrí.

Er að hugsa að mæta í Ísland í dag og lýsa mig seka ekki saklausa...........seka fyrir kæruleysi í námi og ætla ég að varpa sektinni yfir á fjölskyldumeðlimi sem virðast hafa selt úr mér heilann, þegar ég var barn, til að fjármagna uppeldið á mér.

Auglýsi eftir peningaframlögum til að kaupa mér nýjan!!!!!!!!!!

Kuldaboli auglýsir eftir sumarvinnu!

Mér vantar vinnu í sumar á höfuðborgasvæðinu, helst vinnu við að njóta sólarinnar, drekka hanastél og tippla um á bikini.
Er samt nokk sama hvar ég vinn, bara að ég fái pening.......get samt ekki skeint gamalmennum og passað krakka.

Komst að því í gær að ég er kannski ekki að fara í áframhaldandi nám næsta haust, fékk smá kreppu út frá þeirri hugsun því þá þarf ég að finna mér varanlega vinnu og flytja út af görðunum....veit ekki hvort ég er tilbúin í að takast á við líf fyrir utan hið verndaða háskólaumhverfi. En ætli það sé ekki bara tími til kominn, ég er víst orðin fullorðin.

Beðmál í borginni í kvöld, djö..væri dásamlegt að fá vinnu við að horfa á þá þætti alla daga.

Jæja nú ætla ég að hætta að vera ill og hugsa ljótt um annað fólk. Komst að góðri leið um hvernig ég gæti unnið þennan fyrirlestur og er nú hamingjusöm. Stúlkan sem situr hérna við hliðina á mér er gullfalleg....reyndar ekki sú sama og á áðan en skiptir ekki.

Sá þetta á mbl á áðan: "Söngkonan Britney Spears hefur áhuga á að reyna fyrir sér á leiksviðinu og hefur nú fengið augastað á hlutverki Elizu Doolittle í uppsetningu á söngleiknum My Fair Lady"
Er semsagt enginn nema ég búinn að gera sér grein fyrir að þessi manneskja er hæfileikalaus?? Æi nei ! ég ætlaði að hætta að vera vond við annað fólk.........en hver segir að Britney sé fólk, hún er made in USA.

Vá nei! ég má ekki vera svona neikvæð. Var að fatta að ég lít ekkert svo illa út, t.d situr stúlka hérna við hliðina á mér í tölvustofunni sem lítur miklu verr út en ég........já hún er eiginlega bara ljót , forljót hAHAHAHAHAH það gerir mig sætari ooooooooooo hvað það er gott að flytja alla neikvæðu orkuna yfir á aðra. Þessi stelpa er örugglega skiptistúdent, svoleiðis lið er alltaf frekar ófrítt, það fer til annara landa með von um að flýja eigin ljótleika og svo halda þau að allir á Íslandi séu forljótir og búi enþá í torfkofum... og það kemur með þá von í hjarta að bjarga kynstofninum með erfðaefni sínu, fríðleika og gáfum. En borðaðu rassinn á mér!!!!!!!!!! því þetta lið er svo bara glatað og fær ekkert að ríða hér á landi nema öðrum skiptistúdentum sem komu með sömu hugsjón og eru líka ljótir HAHAHAHAHAH

Ætli ég fari til himna fyrir þessi skrif?

Nú er ég sko búin á því, er í brjáluðu skapi, svaf illa og finnst ég líta illa út....sem ég geri því öll flottu fötin mín voru óhrein í morgun.......ég veit að ég er yfirborðsleg og grunnhyggin að hugsa svona en ég hugsa samt svona.

Svo á ég að halda fyrirlestur á morgun um grein sem er svo heimspekileg og rugglingsleg að ég get ómögulega haldið fyrirlestur um hana nema verða sjálf rugglingsleg....og þá verður fyrirlesturinn leiðinlegur og þá sofna allir í tíma eða stara út um gluggan.......það geri ég amk þegar ég hlusta á leiðinlega fyrirlestra. En sem betur fer hef ég háa og góða rödd svo ég ætti að ná einhverri athygli.......þoli ekki þegar fólk sem er að halda ræður eða fyrirlestra nær röddinni ekki upp úr rassgatinu á sér, þá missir góður fyrirlestur alveg marks.

Djöf..........helv.......andsk........#*#%&?*#

Kuldaboli mótmælti í gær upptöku skólagjalda við HÍ, það fannst honum gaman, hann fékk líka að halda á mótmælaskilti, öskra hátt og vera reiður.........hvenær eru næstu mótmæli? skiptir engu hverju er verið að mótmæla, bara að ég fái að öskra, það er góð útrás.

Djöfull geta sumir kennarar verið þreytandi, mætti hress og sæt í tíma í morgun og svo var kennarinn svo leiðinlegur að ég bara sofnaði ofaní glósurnar..........spurning hvort það sé hægt að panta svona kennara heim til sín þegar maður á erfitt með að sofna á kvöldin, fá þá til að halda smá fyrirlestur yfir manni og þá sefur maður sem saklaust lamb.

Þarf að skila túlkunarverkefni á ævintýri á morgun, komst að því mér til mikillar hrellingar að þetta ævintýri snérist bara um klám og aftur klám.........og það er verið að lesa þetta fyrir börn. Ævintýrin hafa verið klámblöð gamla tímans.........nema ég sé svo klikkuð að ég hafi bara lesið klám út úr þessu, hvað ef þetta er ekkert klám heldur saklaus siðferðisboðskapur? og ég sem er búin að skrifa þrjár blaðsíður um hversu undirtónn ævintýrisins er klámfenginn.............Guð minn góður!!! kannski er ég orðin svo kynferðislega svelt og brengluð að ég les og sé orðið klám í öllu.....vona að kennarinn sé eins og ég og gefi mér tíu fyrir þessa geðsjúku túlkun.

Sé þig seinna krókódíll!

Matseðill sunnudagsins:
Hamborgari, franskar,gos, bragðarefur, epli, bland í poka, vatn.

Þegar ég vaknaði í morgun leið mér eins og sveittum sykri sem hafði klístrast við rúmið, oooooojjjjjjj bara hvað ég er ógeðsleg, er sem betur fer enþá innan kjörþyngdarmarka. Fékk átþvinku í gær, vaknaði og varð bara að fá ís og hamborgarar og allt hitt líka. Djammið á laugardagskvöldinu var gott, hefði samt mátt verða klikkaðra, það var bara svo mikið af fólki niður í bæ og raðir alstaðar þ.e raðir sem gengu ekkert og það var svo kalt. Þannig að það rann alltaf af mér á milli staða. Auglýsi hér með eftir VIP korti inn á alla skemmtistaði Rvk, það virðist vera það eina sem virkar til að komast inn........heemm nei fæ mér frekar sílikon og læt berja mig svo ég komist í Séð og heyrt, þá ætti ég að komast framfyrir.

Var sagt á laugard.kv að ástæða þess að ég næði aldrei í gæja væri að ég væri ekki nægileg drusla þ.e svona drusluleg á dansgólfinu og við barinn. Ég t.d reyni ekki við drengi af fyrra bragði og glenni mig ekki framan í þá á skemmtistöðum og nenni ekki að tala við þá nema þeir hafi e-ð skemmtilegt að segja. Enda hef ég oft verið kölluð ísdrottningin........þeir um það ef þeir vilja druslur þá er víst nóg af þeim til en ég ætla ekki að tilheyra þeim hópi til að þóknast karlkyninu.

Mótmæli gegn skólagjöldum fyrir framan Háskóla Íslands í hádeginu kl 12:40 fyrir framan aðalbygginguna. MÆTUM ÖLL
Ég vil að mótmælin verði öfgafull, ekkert friðsamlegt piss miss drasl. Ég er reið vona að þið séuð það líka.

Getur verið að ég hafi vaknað með höfuðuverk akúrat daginn sem ég ætla að djamma? Já og sá höfuðverkur skal drukkinn og dansaður í burtu því veðrið er fallegt og heimurinn er að fara fjandans til, ef hann er ekki kominn þangað.

Guð blessi ykkur öll.

Hvers vegna hugsa ég alltaf hægri áður en ég hugsa vinstri? En ekki vinstri áður en ég hugsa hægri? Ætli það tenist ekki því að ég er 100% rétthent, þ.e vinstri hliðin er nærri því ónothæf vegna hægrisinnu. Stundum segir ég líka hægri þegar ég meina vinstri en ekki öfugt.

Já það væri ofsögum sagt að kuldaboli hefði lítið að gera!

Allt að verða brjálaðra hjá mér í skólanum núna, allir kennarar vilja fá verkefni í næstu viku. Það er semsagt álagspunktur mikill í gangi og það eina sem ég kem í verk er að fá bauga undir augun og heilahugsunarstopp........ætla það sé hægt að fá raflost við því. Og svo er annað vandamál í loftinu, en það snýr að allt öðru því Kuldaboli er komin með tjútt-löngun í lappirnar og litli áfengisálfurinn hefur tekið sér setu á öxl hans því helgin kemur á morgun.

Um seinustu helgi var lítið djammað og ég sé ekki fram á að geta komist í gegnum aðra þvinkulausa helgi, tvær djammlausar helgar í röð hjá ungri, einhleypri manneskju er ekki eðlilegt

Lærdómur skal þó fá að eiga föstudag og laugardag en á laugardagskvöldinu skal slett úr klaufunum og auglýsi ég hér með eftir drykkjufélaga, sá skal eiga góða dansskó og hafa allan annan útbúnað í lagi sem þarf til tjúttferðar. Svo er bannað að ætla að vera rólegur og fara snemma heim. Og ekki væri verra ef, sá sem býður sig fram, eigi mikinn pening og bjóði mér alltaf í glas og borgi taxa meðan á djammi stendur. OG Ekki væri verra ef sá væri myndalegur, hávaxinn og gáfaður karlmaður sem bjóði mér fyrst út að borða á einu af fínasta veitingahúsi borgarinnar. Og ekki væri verra ef sá væri tilbúinn í giftingu og barneiginir á næstur tíu árum og..........................................bla bla bla HALTU KJ

Nú er ég brjáluð!

Djöfulsins Háskóli Íslands...skóli allra landsmanna (ætlar greinilega ekki að vera það lengur) er að gera allt vitlaust og þá er ég að tala um háskólaráð sem tekur flestar ákvarðanirnar. Skáningartíminn fyrir næsta skólaár er núna 22-26 mars og um leið og maður skráir sig á maður að borga skráningargjaldið c.a 35000 krónur. Maður getur einnig fengið greiðsluseðil sem er með gjalddaga 2. maí. Skólinn er að gera það að verkum að flestir nemendur verði hungurmorða fyrir próf, hvar í ósköpunum á fólk að ná í extra 35000 kr í lok mars eða byrjun maí þegar prófin eru á fullu??? Námslánayfirdrátturinn minn á mánuði dekkar ekki þessa upphæð + húsaleigu. Með þessu er skólinn ekki að stuðla að jafnrétti til náms, þeir sem eru vel efnaðir eða eiga ríka foreldra geta borgað þetta en aðrir verða að stofna sér í enn meiri skuldir eða bara sleppa áframhaldandi námi. Og hvað með þá sem falla í prófunum nú í vor og hætta við að halda áfram í skólanum, þeir sjá peninginn fara í vaskinn.

Ég er mjög á móti þessu og vil gjalddaga 1. júni þegar maður hefur unnið sér inn smá pening. Þetta kjaftæði veldur magasárum og enþá meira prófstressi........því peningaáhyggjurnar eru verstu áhyggjurnar. Þetta væri ekkert mál ef ég gæti unnið með skólanum, en 20 einingar leyfa það ekki. Og þeir sem eru að velta fyrir sér afhverju ég sé að skrifa lokaritgerðina mína ef ég ætla að halda áfram í haust þá vil ég segja þeim að þó ég útskrifist í vor þá ætla ég að taka eitt ár í viðbót þ.e 30 einingar í einu fagi (og það telst ekki til framhaldnáms).

Er brjáluð........:O(

Kuldaboli ráðleggur fólki að nota ekki súkkulaðihjúp í bakstur þ.e nema til að hjúpa kökuna með.

Lenti í því leiðindaratviki í gærkveldi er ég bakaði þessa fínu súkkulaðiköku að nota súkkulaðihjúp út í hana í staðin fyrir suðusúkkulaði, það er mikill munur á, því hjúpurinn er ekki ekta súkkulaði heldur gerður úr kakói og jurtafeiti. EN kuldaboli fattaði þessi mistök of seint og lét því kökuna gossa með hjúpnum í inn í ofn, ég beið á milli vonar og ótta í þennan tíma er kakan var þar inni og er bökunartími var liðinn var komið að úrslitastundinni. Og vitið menn kakan virtist vera í lagi og smakkaðist ágætlega er ég fékk mér hana í morgunmat, hjúpurinn virðist samt hafa safnast saman í einhverskonar kekki inn í henni og því eru svona stórar súkkulaðiklessur hér og þar en það má tína þær úr. Hún hefði samt orðið betri með ekta suðusúkkulaði.

Fólk spyr sig kannski hversvegna ég hafi verið að baka, er barnaafmæli eða veisla í nánd? NEI, kuldaboli á í fyrst lagi ekki börn og í öðru lagi er ekki veisla í nánd. Ástæðan er að honum finnst gaman að baka og gerir það sér stundum til ánægju. Það er ekkert Klikk við það HA?

Og annar morgunn rann upp með sól í heiði og hamingju í hjörtum.

Ég ætla að reyna að skrifa e-ð áhugavert um leið og mér er sikk mál að pissa, það er mjög erfitt því að ef ég er í spreng eða geðveikt svöng þá get ég ekki hugsað um annað, verð þá að skreppa á kamarinn eða fá mér að borða áður en ég hugsa.

EN ég spyr í tengslum við bloggið:
Hvernig býr bloggarinn sig til?
hvernig fjallar hann um sjálfan sig?
hver er sjálfsmynd hans, hefur hann sjálfsmynd eða gufar sjálfið upp á vefnum?
hvernig skynjar bloggarinn heiminn og hver er hans veruleiki?
Skáldar hann sinn veruleika og sjálfan sig inn í aðstæður?

Pælingar sem settar voru fram í tíma á áðan, svörin við þeim eru örugglega mörg og misjöfn og ég held að ég leggi ekki í að svara þeim hér.

Sá Pink flamingo í gær, geðsjúklega skemmtilega mynd, rosa grótísk og með frábæran húmor. Hún er um baráttu tveggja fjölskyldna um hver er ógeðslegri.........meira segi ég ekki, þið verðið að sjá hana.

Farin að skvetta úr skinnsokknum, svo ég taki svona skemmtilega til orða.

Svei þér veðurguð að skella svona dásemdarveðri á og það á mánudegi.

Mig langar til að keyra út úr höfuðborginni og labba labba labba út í guðsgrænni náttúrunni. Reyndar fór ég í tvo labbitúra í gær heima í sveit en svona veður var þá þar, meðal annars fór ég niður í fjöru. Var næstum búin að gleyma hvað það getur verið spennandi að fara niður í fjöru, því maður finnur alltaf allskonar drasl og skrítnar skeljar. Svo getur maður búið til sögu í kringum hvert drasl, t.d hvaðan það kom, hver átti það og hvers vegna því rak í þessa fjöru. Sá reyndar ekkert sérstaklega merkilegt í gær, bara fullt af netakúlum, flöskum og gamlan gúmmíhanska.

Mér finnst að starfsfólkið hér á bókhlöðunni ætti að öskra í hátalarakerfið "sá sem er seinastur að hlaupa út er asni" og svo hlaupa allir út hlægjandi og hamingjusamir (ekki með menntahrokasvipinn á sér) og úti á plani bíður okkar ókeypis ís og létt sumartónlist er spiluð undir. Og lærdómsáhyggjur hverfa lönd og leið.

synd og skömm

ooooooogggggggggg helgin byrjar með rassasetu á bókhlöðu allra landsmanna!!! veiii klapp klapp

hef ekki náð að afreka neitt í dag nema bloggsíðulestur og msn spjall, jú og smá ljósrit, tvo kaffibolla og muffinsköku, sem var geðveikt dýr m.v að hún var öruggleg bökuð úr Betty Crokker eða Krúkker eða kerlingartussunni sem stuðlar að leti íslenskra húsmæðra sem eru hættar að nenna að baka heima lengur..............kaupa köku í pakka, suss þetta þekktist nú ekki þegar ég var fim á fæti.

Komandi helgi á að vera önnur áfengislausa helgin mín síðan um áramót og stefni ég að því að keyra út úr höfuðborginni til að ná að standa við það heit mitt. Fékk mér reyndar smá hvítvín og bjór í gærkveldi, en það telst ekki með því það var virkur dagur.
Það verður blússandi sveitasæla með tilheyrandi púli og fjölskylduumræðum við eldhúsborðið, þar sem kaffi, kíkir og heimabakaðar kökur eru aldrei langt undan.

Átti skemmtilegar samræður við fjölskyldumeðlim í gærkveldi.

Sá meðlimur hafði áhyggjur af þeirri ímynd sem ég set fram á þessu bloggi, hann hafði áhyggjur af að fólk hætti að taka mig alvarlega og líti framvegis á mig sem vitleysing með lestri á þessu bulli.
Ég útskýrði fyrir honum að Kuldaboli væri ekki ég, Kuldaboli er sögumaðurinn en ég er höfundurinn, það er ekki endilega alltaf sama manneskjan, en í mínu tilfelli er hún það að hluta. Ég mundi segja að þetta blogg væri 50% sannleikur og 50% skáldskapur, ég byggi Kuldabola á staðreyndum og atburðum úr mínu eigin lífi en annars skálda ég, lýg, dreg úr og bæti við eins og mér listir.

Við komust líka að þeirri niðurstöðu að þetta bloggæði væri svar fólks við því stanslausa áreiti sem það verður fyrir í gegnum fjölmiðla. Það dynur svo mikið á okkur í þessu nútímasamfélagi að við verðum að svara í sömu mynd með opinberu áreiti í gegnum fjölmiðil. Þess vegna t.d snýst blogg oft um gagnrýni á því sem byrtist í þeim.

Kuldaboli er hugsandi ruggludallur en ég er bara ósköp venjuleg hverdagsmanneskja með klofinn persónuleika....hahahhah

Ég sá þessa tölvu lausa og varð að stökkva á hana og skrifa, skrifa, skrifa....enda hef ég ekki sagt eitt stakt orð núna í nokkra klukkutíma. Djöfull er leiðinlegt að þegja svona lengi þegar maður þarf að tala en það virðast bara vera ansi fáir sem ég þekki á bókhlöðunni í dag. Annars er ég dugleg að skapa samræður í hausnum á mér, var að tala við sæta bókhlöðustrákinn rétt á áðan, hann sagði allt gott var alveg til í að fá sér kaffi með mér og svona................hahahhah ef það væri svo gott. Talaði líka við George Bush í dag, hann lofaði að láta Kerry vinna sig í komandi kosningum og svo viðurkenndi hann að hann væri heimskur...en ég lofaði honum víst að segja ekki neinum ó ó sorry Goggi minn.

Guði sé lof og dýrð fyrir það að ég er að fara á kaffihús í kvöld, annars ætti ég líklega orðið annan ímyndaðan vin um miðnætti.
Og svo er þvottatími hjá mér á eftir, kannski hitti ég einhvern í þvottahúsinu. Alveg furðulegt hvað maður getur orðið uppiskroppa með nærbuxur og þá meina ég góðu og þægilegu nærbuxurnar. Hefur komið fyrir mig að þurfa að fara í g-streng í skólann, leið eins og með prik í rassgatinu allan daginn......þær eru ekki þægilegar nema fyrir fólk með vangefinn afturenda, sama hvað hver segir.

Og hana nú!

Veit ekki hvort aldurinn sé farinn að segja til sín í auglýsingaímyndunarveiki.

Það virðist vera að það séu hrukkukremsauglýsingar út um allt, eða kannski er ég farin að taka meira eftir þeim þar sem ég er komin hátt á þrítugsaldurinn. Og þær hljóma allar eins...."koma í veg fyrir öldrun húðarinnar", "minnka hrukkumyndun", "draga fram æskuljómann" o.s.frv. Ég hef ekki trú á þessum kremum, jú auðvitað strekkja þau einhvað af skinninu en þau munum aldrei koma í veg fyrir öldrun, og síðan hvenær er ljótt að eldast? Ég viðurkenni að húðin á mér er ekki eins og þegar ég var á tvítugsaldri en ég skammast mín ekki fyrir það, þetta er gangur lífsins. Ég vil ekki vera fimmtug með tvítuga húð það er enginn klassi yfir því, eins og Cher. Mikið væri sú söngkona falleg í dag ef hún hefði aldrei farið í þessar lítaaðgerðir, hún barasta afneitar aldrinum og sínu náttúrulega útliti.

En þessar kremauglýsingar hafa samt ótrúleg áhrif, því ég fór að hugsa í morgun þegar ég rakst á eina slíka, hvort ég ætti að kaupa mér hrukkukrem. Mér hafði ekki dottið það í hug áður en það var eins og ég væri allt í einu á seinasta snúning í að bjarga mér frá hrukkudýrinu. Fannst ég skyndilega drullu gömul og puntaði mig óvenju mikið fyrir skólann til að sýna fram á að aldurinn hafði ekki minnkað gelluna í mér.

Nei ég ætla að vera virðulega eldri kona með hrukkur og ég skora á ykkur að stefna að því sama, því þessi krem eru bara plat.........þið munuð samt eldast..........Þór náði ekki að leggja Elli kerlingu og það munuð þið heldur ekki geta.

Ætli það sé hægt að framleiða krem sem stuðlar að hrukkum, þannig að maður geti fengið þær fyrr?

Svo ég haldi áfram að tala um það sem gerist hjá mér á næturnar.

Ég sef allt of vel í þessu veðri, rok og rigning er eins og besta svefnlyf fyrir mig..........en djöfull er ég samt orðin leið á roki og rigningu, var að koma labbandi í skólann og er öll hundblaut og úfin, þó vegalengdin hafi ekki verið löng.

Já í morgun ætlaði ég ekki að geta vaknað, mér leið svo vel í rúminu og leyfði mér því að sofa klukkutíma lengur en ég hafði stillt vekjaraklukkuna á, það var dásamlegt og mér dreymdi apa í þetta skiptið.

Gæti líka hafa verið svona sloj út af gaseitrun, át mikið af óhollustu í gær sem braust út í miklum gasleka í gærkveldi, sá leki hefur líklega staðið fram eftir nóttu án minnar meðvitundar og eitrað það litla loft sem var í íbúðinni minni.........það gæti líka verið ástæðan fyrir því að mér dreymdi þennan apa, ég hef verið hæ in the skæ í alla nótt.

Hleypið loftinu út, það stuðlar að aukinni vellíðan :o)

Það er stundum óhugnalegt að dreyma.

Í nótt dreymdi mig að það væri skip að stranda í fjörunni heima í sveit, þetta var lítið skip og það var mikill brotsjór. Fjaran var bæði klettar og svo sandur og voru allir að vonast eftir að skipið færi í sandinn því annars myndi það brotna í spað. Varðskip var á staðnum, lengra út á sjónum og svo var lanshelgisgæsluþyrlan á sveimi yfir skipinu. Ég stóð í fjörunni og horfði á. Draumurinn endaði á því að skipið strandaði í sandinum og öllum var borgið. Þetta væri ekki merkilegur draumur nema fyrir það að þegar ég vaknaði og kveikti á útvarpinu þá voru einmitt fréttir að byrja og fyrsta fréttin var að það hafði strandað skip í nótt á suðurlandi. Eða eins og ein af fréttunum á mbl.is hljómar:

Baldvin Þorsteinsson EA 10, fjölveiðiskip Samherja, strandaði í Skarðsfjöru á Suðurlandi um þrjár mílur austur af Skarðsfjöruvita, snemma í morgun eftir að skipið fékk nótina í skrúfuna við loðnuveiðar skammt undan landi í nótt. Þyrla Landhelgisgæslunnar, TF-LÍF, var kölluð út og er hún rétt ókomin á strandstað.

Það náðist að bjarga öllum skipsverjum og allt virðist ætla að fara vel. En mér brá, því ég er ekki berdreymin og þetta er óhugnaleg tilviljun.

oooojjjj það er viðbjóðslega vond svitalykt af karlmanninum sem situr við hliðina á mér hér í tölvustofunni, ég er að kafna og samt er ég með opinn glugga við hliðina á mér. Held ég fari að hætta þessu og forði mér áður en lyktin veldur heilaskaða.

Það er naumast!!!! setti upp teljara á bloggið mitt á föstudaginn og nú í dag á mánudegi, eru komnar 100 flettingar og þær eru ekki allar frá mér. Ég er nú svolítið vantrúuð á þetta, held að hann telji eina heimsókn sem tíu...........kannski kann hann ekki að telja? Þarf að fara að hugsa minn gang ef ég er orðin vinsæl, þarf að fjalla meira um heimsatburðina og velta mér upp úr heimspeki svo fólk haldi ekki að ég sé einföld sjálfhverf sál sem finnst allt sem hún gerir sniðugast.

Ó mæ ég þarf að segja ykkur svolítið sniðugt.

Á árhátíðinni á föstudaginn kom strákur að borðinu mínu og spurði hvort hann mætti setjast í stólinn við hliðina á mér, ég sagði að það gæti hann ekki því þarna sæti vinur minn sem hefði bara skroppið að skvetta úr skinnsokknum og kæmi því fljótt til baka. Þá sagði strákurinn "skvetta úr hverju? hvað ertu að tala um?" og ég sagði að þetta væri bara svona orðatiltæki yfir það að fara að pissa, að þetta á milli fótanna á honum væri skinnsokkur og svona lalalalal. Strákurinn horfði á mig í smá stund og sagði svo "þú ert rugluð" og fór. Mér finnst ég ekki rugluð þó ég segi að skvetta úr skinnsokknum, mér finnst það fyndið og sniðugt orðatiltæki yfir það að fara að pissa, en nei óharðnaðir reykvískir drengir kunna ekki að meta svona sniðugheit, aumingja hann.

Borðaði hafragraut og tók lýsi í morgun, verð bráðum hraust eins og fíll ef heldur áfram sem horfir... cheerios er bara fyrir þá sem nenna ekki að elda hafragraut. svo er grauturinn líka ódýrari.

já nú er klukkan tæplega fjögur á laugardegi eftir árshátíð og ég er ekki alveg heil á húfi.
Þvinkan er reyndar ekki mjög slæm en meiri en ég ætlaði henni að verða, svona slen....enda var ég á fótum til klukkan sjö í morgun.
En á hinn bóginn þá er ég með tvo marbletti á fótunum, rétt fyrir neðan hné, þeir eru þar vegna þess að ég labbaði á öskubakka á frekar miklum hraða.
Öskubakkinn var stór steinklumpur sem stóða á gólfinu í myrkvuðu andyri Þjóðleikhúskjallarans og í ákefð minni að sveigja framhjá hóp af fólki til að komast á dansgólfið þá lenti ég á honum. Sem betur fer var ég deifð af áfengi því annars hefði ég líklega farið að grenja.....en í staðin blótaði ég hressilega, nuddaði á mér fæturnar og sagði hátt og snjalt yfir bókmenntafræðiborðið "djö maður ég labbaði á öskubakka" og blótaði svo meir og fór á barinn. En fólk misskildi þetta svolítið og hélt að ég hefði stigið á svona lítinn öskubakka sem hafði dottið í gólfið og fannst ég kannski gera svolítið mikið úr því. Sem betur fer var mér vorkennt vel af nokkrum vinum mínum þegar ég lýsti atburðarrásinni fyrir þeim.

Svona fór um sjóferð þá.

ó já ég gleymdi að langar bloggfærslur höfða ekki til fólks!!!!!!!!!!!!!! hahaha sorry hahaha en lesið þetta samt.

Er að fara í innflutningsparty og árshátið í kvöld, það verður gaman en lítið brennivín skal haft um hönd þar sem ólesnar bækur bíða mín í hrúgum......................vona líka að ósnertir drengir bíði mín í hrúgum á árshátíðinni hahahahah

þarf að fara í ríkið, heyrumst þunn á morgun :o)

Ég þoli ekki þegar ég borða allt nestið mitt í einu.

Í morgun fann ég mér til nesti til að taka með í skólann, þetta nesti átti að duga mér allan daginn þ.e er í hádegismat og kaffi/kvöldmat. Um klukkan eitt í dag þá fór ég að finna til svengdar og ákvað að gæða mér á hluta af nestinu, ég byrjaði pent en áður en ég vissi af þá var ég búin með það allt, hvern einasta bita. Þetta finnst mér óhófleg græðgi hjá mér og bitnar náttúrulega á buddinni í kaffitímanum því þá á ég ekkert nesti og þarf að kaupa mér mat.
Þetta hefur nú gerst hjá mér áður, kannski er ég að áætla mér of lítið að borða yfir daginn? Ég þarf nú mikið að borða, enda stór og stæðileg. Hef stundum staðið mig að því að innbyrða meira magn af mat á skemmri tíma en karlkyns vinir mínir sem héldu að þeir væru mathákar.

Og annað sem er óþolandi, það eru íslendingar sem gera ekki annað en að kvarta yfir hvað kjöt, fiskur, mjólkurvörur og grænmeti er dýrt (ég er ekki að segja að það sé ódýrt) og því geti þeir ekki keypt það og borðað....þeir kenna jafnvel þessum háa verði um offitu sína. En nei!!! svo geta þeir innbyrt óhóflegt magn af pitsum, gosi og sælgæti.....er það ekki dýrt spyr ég? Það eru mörg heimili sem panta pitsu nokkru sinnum í viku, hver pitsa kostar um 2000 kr og það þarf jafnvel að kaupa tvær (ef það er ekki tvær fyrir ein tilboð) og þá er það 4000-5000 kr með gosi. Og pitsan dugar oftast ekki lengur en í eina máltíð. Fyrir þessa upphæð væri hægt að fá fínt lambalæri eða nokkur fiskflök ásamt kartöflupoka og einhverju grænmeti og svo væri til afgangur af matnum í næstu máltíð. Ég skil ekki hvað fólk er alltaf tilbúið að eyða peningum sínum í svona rándýran óþarfa eins og sælgæti og það á alltaf pening fyrir því en ekki grænmeti (eins og reykingarmenn sem eiga alltaf pening fyrir sígarettupakka en ekki neinu öðru t.d mati handa börnunum sínum).

Ég hef unnið í matvöruverslunum og ég vinn núna við kynningar í búðum og ég er hætt að vorkenna fólki þegar það talar um að þetta og hitt sem er holt sé dýrt því ég hef séð hvað er algengast í körfunum hjá fólkinu.....það er óhollusta sem er margfallt dýrari en hollustan.

og hananú!!!!!!
p.s ég get alltaf keypt bjór en á ekki fyrir brauði.

Þurfti að fara til tannlæknist snemma í morgun og ákvað á leiðinni þangað að hlusta á góða tónlist í útvarpinu.
En nei það virtist ekki vera möguleiki......hvað er með öll þessi morgunútvörp???? Það er bara helvítis blaður fram og til baka um allt og ekki neitt, ein stöðin var að tala um heimahjúkrun, önnur um smurbrauð, tvær voru með sama þáttinn á dagskrá þ.e Tvíhöfði á X-inu og Skonrokk........og ég þoli ekki Tvíhöfða núna, útbrunnir gamlir karlar. Gestur Einar var ekki byrjaður á Rás 2 og þá endaði ég á Mix 91,9, og þar var tónlistin, reyndar engin mega tónlist bara svona mix af hinu og þessu. Þessi stöð fullnægði mínum tónlistarþörfum á leið til tannsa, spilaðir meira að segja lag sem ég gat sungið með. En hvað er þetta með útvarpsstöðvar, er bara hægt að spila tónlist um miðjan daginn og á kvöldin? því á morgnanna og um eftirmiðdaginn eru endalausir kjaftaþættir þar sem endalaust er verið að velta sér upp úr sömu málunum aftur og aftur og aftur.....

Verð að segja ykkur.....heyrði í Gesti Einari á leið frá tannsa og brandari dagsins að hans mati var að það var heitara hér en á öðrum norðurlöndum og það var 0 stiga hiti á Svalbaðra, það fannst honum mega.

Skrítið hvað maður getur stundum misskilið útlit sitt.

Í morgun fór ég í sturtu áður en ég fór í skólann, það er nú ekki merkilegt nema að ég var heldur sein og hafði ekki tíma til að gera neitt við hárið á mér og lét það bara þorna óáreitt. Dreif mig svo í skólann í roki og rigningu með hárið flaksandi og mætti svo með það allt út í loftið. Mér leið eins og fuglahræðu og vonaði að enginn væri að horfa á mig en í frímínúndunum þá spurði ein kona hvort ég væri búin að fá mér permanett, ég sagði nei að svona væri ég sköpuð, þá sagði hún að ég ætti alltaf að hafa hárið svona. Svo var strákur sem sagði "flott á þér hárið, svolítið villt", ég veit ekki hvort þetta átti að vera hrós eða dulin skilaboð um hvort ég vildi koma með honum í bólið, en amk athygli. Svona getur maður misskilið útlitið, virðist einmitt vera að þegar manni sjálfum finnst maður hörmung þá virðist maður höfða til annara. Í framtíðinni ætla ég að leifa hárinu að flaksa frjálsu með krullur út í loftið.

Annars var helgin ágæt. Var að vinna á Matur 2004 á laugardag og sunnudag. OOOOOOGGGGG já ég fór í vísindaferð á föstudaginn í Eddu útgáfu. Ætlaði bara aðeins að fá mér og fara snemma heim, en nei ég drakk eins og svampur og kom seint heim, var þunn í vinnunni og leið eins og viðbjóð daginn eftir......bjór er vondur. Afhverju vorum við að leifa hann fyrir 15 árum HA ég spyr??? hann veldur tímabundinni gleði og svo dags ógleði.

Þú ert löngun þín.
Hin dýpsta löngun þín er vilji þinn.
Vilji þinn skapar verk þín.
Og verk þín skapa örlög þín.

(í Lögmálin sjö um Velgengni.)

Ætla að athuga hvort þessar fínu línur komi mér ekki af stað í lokaritgerðinni.